काठमाडौँ । युएईले जारी त्रिकोणात्मक टी-२० सिरिजमा पहिलो जित हासिल गरेको छ ।
आइतबार सम्पन्न खेलमा युएईले हङकङलाई ६ विकेटले पराजित गर्दै सिरिजमा पहिलो जित हासिल गरेको हो ।
हङकङले दिएको १५० रनको लक्ष्य पछाएको युएईले १८ ओभरमा ४ विकेट गुमाएर लक्ष्य पुरा गरेको थियो । यसअघि टस हारेर पहिला ब्याटिंग गरेको हङकङले २० ओभरमा ५ विकेट गुमाउदै १४९ रन बनाएको थियो ।
योसँगै जारी सिरिजमा युएईले पहिलो जित हासिल गरेको छ भने हङकङले लागातार तेस्रो हार बेहोरेको छ ।
अब सिरिज अन्तर्गत अर्को खेल भोलि नेपाल र युएईबीच खेल हुदै छ भने बुधबार युएई र हङकङबीच खेल हुने छ ।
