काठमाडौं । नेपालमा जारी त्रिकोणात्मक टी-२०आई शृङ्खलाको फाइनल खेल अन्तर्गत नेपालले यूएईविरुद्ध पहिले ब्याटिङ गर्ने भएको छ । उपाधीका लागि हुने खेलमा टीयू मैदानमा यूएईले टस जितेर फिल्डिङ रोज्दै नेपाललाई पहिले ब्याटिङको निम्तो दिएको हो ।
नेपालले यसअघि लिग चरणमा चारवटै खेल जित्दै अपराजित रहेर फाइनल पुगेको थियो । यूएईले भने लिग चरणको एक खेल मात्र जितेको थियो । हङकङसँग फराकिलो हारका बाबजुद रनरेटका आधारमा यूएईले फाइनलमा स्थान बनाएको हो ।
फाइनलमा नेपाली टिममा एक परिवर्तन गरिएको छ । अलराउण्डर विवेक यादवको स्थानमा स्पीनर ललित राजवंशी पहिलो रोजाईँमा खेल्दैछन् । खेल ११ बजे टीयू क्रिकेट मैदानमा सुरु हुँदैछ ।
