काठमाडौं । उपप्रधान तथा गृहमन्त्री नारायणकाजी श्रेष्ठलाई हृदयघात भएको छ । चीनको बिआराइ फोरममा भाग लिन बेइजिङ पुगेका उपप्रधान तथा गृहमन्त्री श्रेष्ठलाई हृदयघात भएको हो ।
गएराति छात्तिमा समस्या देखा परे अस्पताल पुगेका उनको कोरोनरी आर्टरी ब्लाकेज भएको पत्ता लागेको थियो । बेइजिङस्थित अस्पतालमा मुटुको एन्जीओप्लास्टी गरिएको छ ।
आइसियुमा राखेर उपचाररत श्रेष्ठ खतरामुक्त रहेको उनका भतिजा डा. शितलकाजी श्रेष्ठले जानकारी गराएका छन् ।
