इजरायलमा हमासको आक्रमणमा २५ अमेरिकीको मृत्यु भएको छ । इजरायल- हमास युद्धका बिच तेल अभिभ पुगेका अमेरिकी विदेशमन्त्री एन्टोनी ब्लिंकनले हमासको आक्रमणबाट अहिलेसम्म २५ अमेरिकीको मृत्यु भएको बताएका हुन् ।
यसअघि अमेरिकाको विदेश मन्त्रालयले हमासको आक्रमणमा २२ जना मारिएको बताएको थियो ।
तेलअभिभ पुगेका विदेशमन्त्री ब्लिंकनले इजरायली प्रधानमन्त्री बेन्जामिन नेत्यानेहूलाई भेटेर जारी युद्धमा इजरायलको साथ रहेको संदेश दिएका छन् ।
हमासको आक्रमणमा अमेरिकाका २५ बाहेक थाइल्याण्डका १५ जना, नेपालका १० जना सहित ६० भन्दा बढी विदेशी नागरिकको मृत्यु भएको छ ।
