काठमाडौँ । प्रधानमन्त्री पुष्पकमल दाहाल ‘प्रचण्ड’ लुम्बिनी पुगेका छन्। संयुक्त राष्ट्रसंघका महासचिव एन्टोनियो गुटेरेसलाई स्वागत गर्न प्रधानमन्त्री लुम्बिनी पुगेका हुन् ।
महासचिव गुटेरेस अन्नपूर्ण बेसक्याम्प बाट लुम्बिनी पुग्ने कार्यक्रम छ । उनी आज बिहान पोखराबाट अन्नपूर्ण बेसक्याम्प गएका थिए ।
गुटेरेसको स्वागतका लागि संस्कृति पर्यटन तथा नागरिक उड्डयन मन्त्री सुदन किराती, लुम्बिनीका मुख्यमन्त्री डिल्ली चौधरी लगायतका विशिष्ट व्यक्तित्वहरु हिजो नै लुम्बिनीमा पुगिसकेका छन् ।
महासचिव गुटेरेसले मायादेवी मन्दिरको दर्शन गर्ने कार्यक्रम रहेको छ ।
