काठमाडौँ । नेपाल १९औं एशियन गेम्सको क्रिकेट अन्तर्गत क्वाटरफाइनलमा पुगेको छ ।
समुह चरणको खेलमा आज माल्दिभ्सलाई १३८ रनले पराजित गर्दै नेपालले क्वाटरफाइनलमा आफ्नो स्थान सुरक्षित गरेको हो ।
नेपालले दिएको २१३ रनको लक्ष्य पछाएको माल्दिभ्सले १९.४ ओभरमा अलआउट हुदै ७४ रन बनाएको थियो ।
माल्दिभ्सविरुद्ध नेपाली बलर अविनाश बोहोराले सर्बाधिक ६ विकेट लिएका थिए । अविनाशले ३.४ ओभरमा ११ रन दिएर ६ विकेट लिएका थिए ।
त्यसैगरी कुशल भुर्तेल, सोमपाल कामी, सन्दीप लामिछाने र गुलशन झाले एक एक विकेट लिएका थिए ।
यस अघि टस जितेर पहिला ब्याटिंग गरेको नेपालले २० ओभरमा ७ विकेट गुमाउदै २१२ रन बनाएको थियो ।
