काठमाडौँ । युएईले नेपाललाई १४१ रनको लक्ष्य दिएको छ । आजदेखि शुरु भएको त्रिकोणीय टी-२० सिरिजको पहिलो खेलमा टस हारेर पहिला ब्याटिंग गरेको युएईले २० ओभरमा ७ विकेट गुमाएर १४० रन बनाएको हो ।
युएईका लागि बसिल हमीदले सर्बाधिक ५१ रन बनाएका थिए । त्यस्तै अलि नासीरले ३२, कप्तान मुहमद वासीमले १७, आसिफ खानले १५ रन बनाएका थिए ।
त्यसैगरी नेपाली बलर करण केसीले सर्बाधिक ३ विकेट लिएका थिए भने गुलशन झाले २ तथा सोमपाल कामी र अविनाश बोहोराले एक विकेट लिएका थिए ।
