काठमाडौँ । खाद्य व्यवस्था तथा व्यापार कम्पनी लिमिटेडले आजदेखि दसैँका लागि खसीबोका तथा च्याङ्ग्रा बिक्री सुरु गरेको छ ।
कम्पनीले विभिन्न जिल्लाबाट ल्याएका दुईहजार खसीबोका र एकहजार च्याङ्ग्रा काठमाडौँको थापाथलीस्थित प्रादेशिक कार्यालयबाट बिक्री वितरण आज बिहानबाट सुरु गरेको हो ।
कम्पनीले धादिङ, मकवानपुर र दाङबाट खरिद गरेर खसीबोका र च्याङ्ग्रा काठमाडौं ल्याएको छ ।
कम्पनीकाअनुसार जिउँदो खसीबोकाको मूल्य प्रतिकिलो ६८० रुपैयाँ तथा च्याङ्ग्राको प्रतिकिलो १२ सय ६० रुपैयाँ तोकिएको सूचना अधिकारी शर्मिला न्यौपाने सुवेदीले जानकारी दिइन् । यो मूल्यमा १० रुपैयाँ छुट पाइने छ ।
