जनकपुरधाम । सामाजिक सद्भाव भड्किने प्रकृतिको उत्तेजक अभिव्यक्ति दिएको आरोपमा पक्राउ परेका धर्मगुरू श्रीनिवास आचार्य धरौटीमा रिहा भएका छन् ।
जिल्ला प्रशासन कार्यालय धनुषामा पाँचसय रुपैयाँ धरौटी तिरेर बिहीबार उनी रिहा भएका हुन् । सार्वजनिक शान्तिविरूद्धको कसुरमा उनलाई मंगलबार सुनसरी बराहक्षेत्रको चक्रघट्टीबाट पक्राउ गरेको थियो।
उनलाई पक्राउ गरी धनुषामा लगिएको थियो । उनले गत शुक्रबार विश्व हिन्दू परिषदको आयोजनामा जनकपुरमा गौहत्याविरूद्ध जुलुसपछि आयोजित कोणसभालाई सम्बोधनको क्रममा विवादास्पद अभिव्यक्ति दिएका थिए ।
