विराटनगर । कोसी प्रदेशका नेपाली कांग्रेसका संसदीय दलका नेता उद्धव थापाले राजीनामा दिएका छन् । उनले शनिबार कांग्रेस संसदीय दलको नेताबाट राजीनामा दिएका हुन् ।
थापाले आफूले नैतिक रूपमा राजीनामा दिएको बताएका छन् । कोशी प्रदेशमा आजै मात्र कांग्रेसको संस्थापनइतर समूहका नेता केदार कार्की एमालेको समर्थनमा मुख्यमन्त्रीमा नियुक्त भएका छन् ।
लगत्तै संस्थापन पक्षका थापाको राजीनामा आएको हो । कोशीमा दुई दुई पटक मुख्यमन्त्री बनेका थापाको दुबै पटकको सरकार सर्वोच्च अदालतको आदेशमा पदमुक्त भएका थिए । आफूले दुई पटक मुख्यमन्त्री बन्दा पनि आफूले त्यसलाई जोगाउन नसकेको स्वीकार गरेका छन् ।
