काठमाडौँ । बर्षाले रोकिएको नेपाल र भारतबीचको खेल फेरी शुरु भएको छ । नेपालले ३७.५ ओभरमा ६ विकेट गुमाएर १७८ रन बनाएको अवस्थामा खेल बर्षाले रोकिएको थियो । अहिलेसम्म रोकिएको खेलको कुनै ओभर नघटाइने भएको छ ।
अहिले नेपालका लागि दिपेन्द्र सिंह ऐरी २७ र सोमपाल कामी ११ रन बनाएर खेलिरहेका छन् । दुवैले सातौं विकेटका लागि ३४ रनको साझेदारी गरिसकेका छन् ।
यसअघि नेपालका लागि कुशल भुर्तेलले ३८, आसिफ सेखले ५८, भीम सार्कीले ७, कप्तान रोहित पौडेलले ५, कुशल मल्लले २ र गुलशन झाले २३ रन बनाएर आउट भएका थिए ।
त्यस्तै भारतका बलर रविन्द्र जडेजाले ३, मोहमद सिराजले २ र शार्दुल ठाकुरले एक विकेट लिएका छन् ।
