काठमाडाैँ । एमाले बागमती अध्यक्षमा कैलाश ढुंगेल विजयी भएका छन्।
शुक्रबार भएको चुनावमा पार्टी अध्यक्ष केपी शर्मा ओली र महासचिव शंकर पोखरेलका उम्मेदवार ढुंगेल अध्यक्ष विजयी भएका हुन्।
शुक्रबार भएको चुनावमा पार्टी अध्यक्ष केपी शर्मा ओली र महासचिव शंकर पोखरेलका उम्मेदवार ढुंगेलले ६९६ मत पाएका छन्। अध्यक्षका अर्का प्रत्याशी कृष्ण दाहालले ४३९ मत पाए।
सचिवमा नवराज सिलवालले ५६८ मत पाएर विजयी भएका छन्। सचिवका अर्का प्रत्याशी हस्त पण्डितले ५६७ मत पाए।
नवराज सिलवाल कृष्ण दाहाल समूहका हुन्।
रामेछापका कैलाश ढुंगेल बागमती प्रदेशको अघिल्लो कार्यकालमा आर्थिक मामिला तथा योजना मन्त्री थिए। रामेछापको तीन पटक पार्टी नेतृत्व सम्हालिसकेका उनी अहिले केन्द्रीय सदस्य छन्।
रामेछापको संसदीय निर्वाचनमा चारपटक पराजित भएका उनी २०७४ को निर्वाचनमा भने प्रदेश सभामा निर्वाचित भएका थिए।
