काठमाडौँ । नेपाल महिला टी-२० विश्वकपको एशिया छनौटको सेमिफाइनलमा थाइल्याण्डसँग पराजित भएको छ ।
आज मलेसियामा सम्पन्न सेमिफाइनल खेलमा थाइल्याण्डले नेपाललाई ४६ रनले पराजित गरेको हो ।
थाइल्याण्डले दिएको १०६ रनको लक्ष्य पछाएको नेपालले २० ओभरमा ९ विकेट गुमाउदै ५९ रन मात्र बनाएपछि खेल ४६ रनले हारेको हो ।
यसअघि टस हारेर पहिला ब्याटिंग गरेको थाइल्याण्डले २० ओभरमा २ विकेट गुमाउदै १०५ रन बनाएको थियो ।
यो हारसँगै नेपाल विश्वकपको ग्लोबल क्वालिफायरमा छनौट हुन असफल भएको छ । त्यस्तै नेपाललाई पराजित गर्दै थाइल्याण्ड फाइनलमा पुगेको छ भने महिला टी-२० विश्वकपको ग्लोबल क्वालिफायरमा छनौट भएको छ ।
