काठमाडौं । दार्चुलास्थित महाकाली नदीमा हामफालेर एक जना बेपत्ता भएका छन्।
जिल्ला सदरमुकाम खलंगास्थित नेपाल-भारत जोड्ने झोलुङ्गे पुलबाट बिहीबार बिहान महाकाली नदीमा हामफालेर एक जना बेपत्ता भएका जिल्ला प्रहरी कार्यालय दार्चुलाले जनाएको छ।
जिल्लाको महाकाली नगरपालिका-१ को लास्कु बस्ने ४५ वर्षीय ज्ञानीराम भुल महाकाली नदीमा बेपत्ता भएका प्रहरीले जनाएको छ । प्रहरीकाअनुसार बिहीबार बिहान भारत जान्छु भन्दै झोलुङ्गे पुलबाट पारीपट्टि पुगेका भुलले फर्किएर पुलको बीच भागबाट नदीमा हाम फालेका थिए।
नेपाल प्रहरी र सशस्त्र प्रहरीको टोलीले बेपत्ता भुलको खोजी कार्य गरिरहेको छ।
