पाल्पा । पाल्पाको तिनाउ गाउँपालिका–२ मा आइतबार राति एक जनाको हत्या भएको छ । तिनाउ गाउँपालिका–२ घोंडेबासका २४ वर्षीय सुनिल खत्रीको हत्या भएको हो ।
स्थानीय एक घरमा भेला भएर तीज गितमा नाच्नेक्रममा सामान्य झगडा हुँदा गएराति खत्रीमाथि धारिलो हतियार चक्कु प्रहार भएको जिल्ला प्रहरी कार्यालय पाल्पाका प्रहरी निरीक्षक सन्तोष चन्दले बताए ।
गम्भीर घाइते खत्रीलाई उपचारका लागि रुपन्देहीको बुटवलस्थित लुम्बिनी प्रादेशिक अस्पताल पुर्याइएपनि राति पौने दुई बजे चिकित्सकले मृत घोषणा गरेका थिए ।
हत्याको आरोपमा प्रहरीले ४ जनालाई नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।
