काठमाडौं । जजिरा एयरवेजले नेपालमा पुनः व्यवसायिक उडान सुरु गर्ने भएको छ । कम्पनीले विन्टर सेड्युलअन्तर्गत गौतम बुद्ध अन्तर्राष्ट्रिय विमानस्थलमा आउँदो नोभेम्बरबाट साताको तीनवटा उडान गर्ने भएको हो ।
वैदेशिक रोजगारीमा रहेकाहरु चाडपर्वको बिदामा आउजाउ गर्ने अवस्थालाई मध्यनजर गर्दै कम्पनीले ७ महिनापछि पुनः आफ्नो व्यवसायिक उडान सुरु गर्न लागेको विमानस्थल प्रमुख हंसराज पाण्डेले बताए ।
जसअनुसार जजिराले साताको सोमबार, बुधबार र शुक्रबार नियमित उडान गर्नेछ । हाल यो कम्पनीले त्रिभुवन अन्तर्राष्ट्रिय विमानस्थलबाट साताको सात उडान गर्दै आएको छ ।
