काठमाडौँ । वैदेशिक रोजगारीको लागि यूके पठाइदिन्छु भन्दै रकम ठगी गरेको आरोपमा एक जना पक्राउ परेका छन् ।
यूके पठाइदिन्छु भन्दै ठगी गरेको आरोपमा प्रहरीले शुक्रबार काभ्रेपलाञ्चोकको धुलिखेलबाट मुक्तिराज बोम्जनलाई पक्राउ गरेको हो । उनले प्रकाश कठायतसहित सात जनालाई वैदेशिक रोजगारीका लागि पठाइदिने भन्दै २० लाख रुपैयाँ ठगी गरेको प्रहरीले जनाएको छ ।
पर्सा जिल्लाको निर्मलबस्ती वडा नं ०२ स्थायी घर भएका बोम्जनलाई थप अनुसन्धान र कारवाहीका लागि वैदेशिक रोजगार विभाग ताहाचल पठाइएको प्रहरीले जनाएको छ ।
