काठमाडौँ । चीनको औपचारिक भ्रमणमा रहेका प्रधानमन्त्री पुष्पकमल दाहाल ‘प्रचण्ड’ आज स्वदेश फर्किदैछन् । प्रधानमन्त्री प्रचण्ड चीनको छेन्दुबाट आज काठमाडौँ आउने छन् ।
प्रधानमन्त्री प्रचण्ड शुक्रबार छेन्दु आएका थिए भने बुधबार चीनको छोङछिङबाट ल्हासा पुगेका थिए । उनले यस क्रममा बिहीबार कैलाश मानसरोवरको भ्रमण गरेका थिए ।
प्रधानमन्त्री प्रचण्ड गएको शनिबारदेखि चीनको औपचारिक भ्रमणमा रहेका छन् । उनी संयुक्त राष्ट्रसंघको महासभालाई सम्बोधन गरेर अमेरिकाबाट सिधै चीनतर्फ गएका थिए ।
उनको भ्रमण दलमा उनकी छोरी गङ्गा दाहाल, परराष्ट्रमन्त्री नारायणप्रकाश साउद, भौतिक पूर्वाधार तथा यातायातमन्त्री प्रकाश ज्वाला, प्रधानमन्त्री दाहालका प्रमुख राजनीतिक सल्लाहकार हरिबोल गजुरेल, राष्ट्रिय सुरक्षा सल्लाहकार शङ्करदास बैरागी, मुख्यसचिव डा वैकुण्ठ अर्याल, विभिन्न मन्त्रालयका सचिव र अन्य सदस्यहरू रहेका छन् ।
