तानसेन । पाल्पामा मोटरसाइकल र जिप एकापसमा ठोक्किँदा एक जनाको मृत्यु भएको छ ।
पाल्पाको बगनासकाली गाउँपालिका वडा नं. ९ चापपानीस्थित भित्रि सडकमा तानसेनबाट खानिगाउँतर्फ जाँदै गरेको लु ५५ प ६८५६ नम्बरको मोटरसाइकल र विपरित दिशाबाट आएको लु १ ज १७५९ नम्बरको जिप बुधबार बिहान करिब ११ः३५ बजेतिर एकापसमा ठोक्किँदा एक जनाको मृत्यु भएको हो । मृत्यु हुनेमा बगनासकाली ७ बस्ने मोटरसाइकल चालक सुधन भट्टराई रहेको जिल्ला प्रहरी पाल्पाका सुचना अधिकारी प्रहरी निरिक्षक सन्तोष चन्दले जानकारी दिए ।
मिसन अस्पताल पाल्पामा उपचारको लागि ल्याइएको घाइते भट्टराईलाई अस्पतालले काठमाडौं रिफर गरेको थियो । उनको काठमाडौंस्थित ग्राण्डी अस्पतालमा उपचारको क्रममा मृत्यु भएको प्रहरीले बताएको छ । प्रहरीले जिप र जिप चालकलाई नियन्त्रणमा लिई थप अनुसन्धान गरिहेको छ ।
