काठमाडौं । नेकपा एमालेका अध्यक्ष केपी ओलीले गठबन्धन सरकारका कारण मुलुक प्रतिकुल अवस्थामा रहेको बताएका छन् ।
शनिबार भक्तपुरमा विद्यार्थीहरुसंगको अन्तक्र्रियामा ओलीले गठबन्धन सरकारका कारण सुशासन, बिकास लगाएतका हिसावले देश अन्त्यन्तै प्रतिकुल अवस्थामा रहेको बताएका हुन् ।
उनले अब देशलाई सुध्रिने बाटोमा लैजानु जरुरी रहेकोले युवाहरुले हस्तक्षेप गर्नुपर्ने बताए । ओलीले गठबन्धनका नाम लिएर प्रोफेसर कुट्ने र गुण्डागर्दीमा उत्रिँदा पनि सरकार मौन रहेको उल्लेख गरे । त्यस्तै विद्यार्थीहरुको प्रश्नको जवाफ दिदै ओलीले आफु अझै २० वर्ष सक्रिय रहने भन्दै आफु सक्रिय रहदा नै योग्य व्यक्तिलाई पार्टीको नेतृत्व सुम्पिने धारणा राखे । उनले दुई पटक शल्यक्रिया गरेपछि अहिले आफ्नो स्वास्थ्य पूर्ण रुपमा ठिक रहेकाले २० वर्ष देशलाई अघि बढाउन भूमिका खेल्ने जिकिर गरे ।
अध्यक्ष ओलीले युवाहरुले देशमा हुने षडयन्त्रलाई समाप्त गर्दौ देशको भूगोलको रक्षा गर्नुपर्ने बताए । आफुलाई अब्बल राजनीतिज्ञ भन्न नसकेपनि आफुले इमानका साथ राष्ट्र र जनताको पक्षमा काम गर्ने उनको भनाइ छ ।्
ओलीले जनताले आफुलाई जेलबाट छुटाएर विभिन्न पद हुँदै प्रधानमन्त्री सम्म बनाएको भन्दै जनताप्रति अन्त्यन्तै आदरभाव राख्ने धारणा बताए ।
