काठमाडौँ । एशिया कपको फाइनलमा आज भारत र श्रीलंकाबीच भिडन्त हुदै छ ।
श्रीलंकाको आर प्रेमदासा स्टेडियममा फाइनल खेल नेपाली समय अनुसार अपराहन्न ३: १५ बजेदेखि शुरु हुदै छ ।
सुपर फोरमा दुवै टिमले २-२ खेल जितेर फाइनलको यात्रा तय गरेका हुन् । भारतले पाकिस्तान र श्रीलंकालाई पराजित गरेको थियो भने बंगलादेशसँग हार बेहोरेको थियो ।
त्यस्तै श्रीलंकाले पाकिस्तान र बंगलादेशलाई हराएको थियो भने भारतसँग हार बेहोरेको थियो ।
अहिलेसम्म एशिया कपको इतिहासमा श्रीलंका १२औं पटक फाइनलमा पुगेको छ भने भारत १०औं पटक फाइनल खेल्दै छ । त्यसैगरी अहिलेसम्म पाकिस्तानले ५ र बंगलादेशले ३ पटक एशिया कप फाइनल खेलेका छन् ।
खेलाडीलको इन्जुरीले दुवै टिमलाई समस्यामा पारेको छ । भारतका अक्सर पटेल फाइनल खेल खेल्न नसक्ने भएका छन् भने श्रीलंकाका महीश थीक्साना पनि घाइते भएका कारण फाइनल खेल्न नसक्ने भएको बताइएको छ ।
कोलम्बोमा आइतबार बर्षाको अनुमान गरिएकाले फाइनल खेल अवरुद्ध हुन सक्ने देखिएको छ । फाइनल खेलका लागि एक दिन रिजर्भ डे को व्यवस्था गरिएको छ । यद्यपी सोमबार पनि बर्षा हुने मौसम पूर्वानुमान रहेकाले फाइनल खेल पुरा नहुने आशंका रहेको छ ।
