काठमाडौँ । नेपाली राष्ट्रिय क्रिकेट टिमका कप्तान रोहित पौडेलले क्रिकेटको पूर्वाधारमा लगानी गर्ने बेला भएको बताएका छन् ।
एशिया कप खेलेर स्वदेश फर्किएपछि प्रतिक्रिया दिदै कप्तान पौडेलले अब क्रिकेटको पूर्वाधारमा लगानी गर्ने बेला भएको बताएका हुन् ।
कप्तान रोहितले अहिले एउटा पिचमा अभ्यास गरिरहेको बताउदै पूर्वाधार नहुदा आफुहरुले संघर्ष गरिरहेको टिप्पणी गरेका हुन् । उनले भने- ‘अब चाहि हाई टाइम भइसक्यो, जहिले पनि इन्फ्रास्ट्रकचरमा स्ट्रगल गरिरहेका हुन्छौं । एउटै विकेटमा सबै तयारी गरिरहेका छौं । घरेलु संरचना छैन । मलाई थाह छ खेलाडीहरुले कसरी खेलिरहेका छन् । सबैको आर्थिक अवस्था राम्रो छैन ।’
खेलाडीहरुले गाह्रो अवस्थामा खेलिरहेको बताउदै खेलाडीले परिवारको बारेमा सोच्न नपर्ने अवस्था आएमा खेलमा मात्र ध्यान दिन सकिने अवस्था बन्ने बताए । उनले कम्तिमा सबै प्रदेशमा पिच भयो भने अभ्यास गर्न सजिलो हुने बताए ।
