काठमाडौँ । संसदको अवरोध खुलाउने विषयमा सभामुखसहित प्रमुख तीन दलका शीर्ष नेताहरु आज पनि छलफलमा जुटेका छन् ।
प्रधानमन्त्री निवास बालुवाटारमा सभामुख देवराज घिमिरेसहित प्रधानमन्त्री एवं माओवादी केन्द्रका अध्यक्ष पुष्पकमल दाहाल, प्रमुख विपक्षी दलका नेता एवम् एमाले अध्यक्ष केपी शर्मा ओली, नेपाली कांग्रेसका सभापति शेरबहादुर देउवासहित दलका प्रमुख सचेतकहरु सहभागी छन् ।
सुन तस्करी प्रकरणको अनुसन्धान गर्न उच्चस्तरीय समिति गठनको माग गर्दै नेकपा एमालेले संसद अवरुद्ध गर्दै आएको छ । संसदको अवरोध खुलाउन हिजो सभामुख देवराज घिमिरेले दुई चरणमा शीर्ष नेताहरुसँग छलफल गरेका थिए ।
प्रतिपक्ष दल एमाले र सरकार समर्थित दल आआफ्नै अडानमा रहँदा सहमति जुट्न सकेको छैन ।
आजै दिउँसो ३ बजे बस्ने गरी प्रतिनिधिसभाको बैठक बोलाइएको छ । त्यसअघि सहमति जुटाउन नेताहरू सक्रिय भएका हुन् ।
