काठमाडौँ । फ्रान्स महिला फुटबल विश्वकपको क्वाटरफाइनलमा पुगेको छ ।
मंगलबार सम्पन्न राउण्ड १६ को अन्तिम खेलमा फ्रान्सले मोरक्कोलाई ४-० गोल अन्तरले पराजित गर्दै फ्रान्स क्वाटरफाइनलमा पुगेको हो ।
फ्रान्सको जितमा इगेनी ली सोम्मेरले दुई गोल गरेकी थिइन् भने कडिडियाटोउ डियानी र केन्जा डालीले एक एक गोल गरेका थिए ।
यो हारसँगै मोरक्कोको विश्वकप यात्रा समाप्त भएको छ । त्यस्तै फ्रान्सले भने अब क्वाटरफाइनलमा अस्ट्रेलियाको सामना गर्ने छ । फ्रान्स र अस्ट्रेलियाबीचको क्वाटरफाइनल खेल १२ अगस्तमा हुने छ ।
