काठमाडौँ । युएईले जारी टी-२० सिरिजको दोस्रो खेलमा न्यूजील्याण्डलाई पराजित गरेको छ ।
शनिबार सम्पन्न खेलमा युएईले न्यूजील्याण्डलाई ७ विकेटले पराजित गर्दै ऐतिहासिक जित हासिल गरेको हो । युएईले कुनै पनि क्रिकेट खेलमा न्यूजील्याण्डलाई हराएको यो पहिलो पटक हो ।
न्यूजील्याण्डले दिएको १४३ रनको लक्ष्य पछाएको युएईले १५.४ ओभरमा ३ विकेट गुमाउदै लक्ष्य पुरा गरेको थियो । युएईको जितमा कप्तान मुहमद वासीमले सर्बाधिक ५५ रन बनाए भने असिफ खानले २९ बलमा अव्जित ४८ रन बनाएका थिए ।
यस अघि टस हारेर पहिला ब्याटिंग गरेको न्यूजील्याण्डले २० ओभरमा ८ विकेट गुमाउदै १४२ रन बनाएको थियो ।
यो जितपछि जारी ३ खेलको सिरिज १-१ को बराबरी भएको छ । अब सिरिजको अन्तिम र निर्णायक खेल आइतबार हुदै छ ।
