काठमाडौं । आज साउनको अन्तिम सोमबार । पशुपतिनाथसहित देशभरका शिवालयहरुमा श्रद्धालुहरुको भीड लागेको छ । साउनको सोमबारलाई भगवान शिवको प्रिय बार मानिने भएकाले यस दिन श्रद्धालुहरु व्रत, पूजापाठ, दान लगायतका काम गर्दछन् ।
यही विश्वासका साथ काठमाडौंको पशुपति, भक्तपुरको डोलेश्वर, देवघाट, ललितपुरको कुम्भेश्वर, पूर्वको महादेव भनेर चिनिने हलेसी, सुनसरीको पिण्डेश्वरधामलगायत शिवालयहरुमा पूजापाठ गर्नेहरुको आज बिहानैदेखि घुइँचो छ ।
