काठमाडौँ । नेपाली काँग्रेसका महामन्त्री विश्वप्रकाश शर्माले संसदमा जनताका समस्या उठाउन नपाएको बताएका छन् ।
प्रतिनिधिसभाको आकस्मिक समयमा महामन्त्री शर्माले सुन तस्कर भएको विषय गम्भीर भएको बताउदै सरकारको एउटा हातले कमजोरी गर्दा अर्को हातले समाएको पनि विर्सनु नहुने बताए ।
उनले सरकारकै संस्थाहरुप्रति अविस्वास गरिएको बताउदै सिआईबिलाई अविश्वास गर्न नहुने बताए ।
सांसद शर्माले हरेक समस्याको समाधान संसद अवरुद्ध गरेर हुन्छ ? भन्ने प्रश्न गर्दै प्रतिपक्षी दलहरुलाई संसद अवरुद्ध नगर्न आग्रह गरे । उनले राज्यका निकायहरुले अनुसन्धान गरिरहेको बेला सबैले धैर्य गर्नुपर्ने बताए ।
‘संसद प्रतिपक्षी दलको हो, उनीहरुको आवाज सरकारले गम्भीर रुपले लिनुपर्छ । उनीहरुले उठाएका प्रश्नको सरकारले जवाफ दिनुपर्छ,’ उनले भने, ‘तर, सत्तापक्ष सांसदको बोल्ने थलो रत्नपार्क हो ?’
सरकारले फाइल खोल्दै गर्दा उही समयमा विरोध हुन थालेको भन्दै सुन प्रकरणमा राज्यका निकायले गरिरहेको अनुसन्धानलाई सहयोग गर्न आग्रह गरेका छन् ।
