काठमाडौँ । नेपाली बजारमा सुनको मूल्य तोलामा ४०० रुपैयाँले बढेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख १३ हजार रुपैयाँमा कारोबार भइरहेको छ । यसैगरी, तेजावी सुनको मूल्य तोलाको १ लाख १२ हजार ४५० रुपैयाँ निर्धारण भएको छ ।
सोमबार छापावाल सुन प्रतितोला १ लाख १२ हजार ६०० रुपैयाँ र तेजावी सुन १ लाख १२ हजार ५० रुपैयाँ रहेको थियो ।
यता, आज चाँदीको मूल्य पनि बढेको छ । आज चाँदी तोलामा २५ रुपैयाँले बढेर प्रतितोला १४ सय ७५ रुपैयाँमा कारोबार भइरहेको छ । सोमबार चाँदीको भाउ प्रतितोला १४ सय ५० रुपैयाँ रहेको थियो ।
