काठमाडौं । प्रहरीले बालयौन दुरुपयोगको आरोपमा एकजनालाई पक्राउ गरेको छ । जिल्ला प्रहरी परिसर, ललितपुरले ललितपुरको बुंगमतीस्थित ब्लेस हाउस एण्ड चाइल्ड केयर सेन्टरका सञ्चालक दत्तसिंह बुढालाई पक्राउ गरेको हो ।
प्रहरीले संस्थाका सञ्चालक हुम्लाको सिमिकोट गाउँपालिका–८ स्थायी घर भइ ललितपुर बस्दै आएका ४१ वर्षीय बुढालाई पक्राउ गरेको जनाएको छ । प्रहरीकाअनुसारउनले असारदेखि २६ साउनसम्म सोही चाइल्ड केयरमा बस्दै आएकी ८ वर्षीया नाबालिगलाई यौन दुव्र्यवहार गरेको पाइएको छ ।
उनले प्रतिकार गर्न खोज्दा बालिकालाई निलडाम हुने गरी कुटपिट गरेर शारीरिक यातना दिएको पनि पाइएको प्रहरीले जनाएको छ । उनीविरुद्ध थप अनुसन्धानका लागि अदालतले ७ दिन हिरासतमा राख्न अनुमति दिएको छ । पीडित नाबालिगलाई उद्धार गरी संरक्षण गृहमा राखिएको प्रहरीले जनाएको छ ।
