काठमाडौं । भारतबाट पेट्रोलियम पदार्थ डिजेल, मट्टीतेल र खाना पकाउने ग्यासको मूल्य बढेर आएको छ ।
इन्डियन आयल कर्पोरेशनले नेपाल आयल निगमलाई पठाएको नयाँ मूल्य सूचीअनुसार डिजेलको मूल्य प्रतिलिटर २ रुपैयाँ १६ पैसा र मट्टीतेल ५ पैसाले बढेको हो ।
यस्तै खाना पकाउने ग्यासको मूल्य प्रतिसिलिण्डर १६० रुपैयाँले बढेको निगमका प्रवक्ता मनोजकुमार ठाकुरले जानकारी दिए ।
यस्तै हवाई इन्धनको मूल्य ५७ पैसाले बढेको छ । भारतबाट बढेर आएको इन्धनको नयाँ मुल्यसूचिले नेपालको मुल्यमा पनि असर पार्न सक्ने निगमका प्रवक्ता ठाकुरले जनाएको छ ।
