काठमाडौँ । राष्ट्रियसभाका आजको बैठकमा सांसदहरुले बाढीपहिरोका कारण देशभर क्षति बढ्न थालेपछि क्षति न्यूनिकरणका लागि काम गर्न सरकार समक्ष माग गरेका छन् ।
सांसद गोपाल भट्टराईले रुपन्देहीमा तिनाउ नदीले खतराको चिन्हपार गरेकाले सरकारको ध्यानाकर्षण गराए ।
सांसद जगप्रसाद शर्मा, तारामान स्वाँर, तुलसाकुमारी दाहाल, भगवती न्यौपाने, मृगेन्द्रकुमार सिंह यादव, शारदादेवी भट्ट, बिमला घिमिरे, शेखरकुमार सिंह, सुमित्रा बिसीले मुग्लिन–नारायणगढ सडकको विकल्प खोजिनुपर्नेमा जोड दिए । बाढीपहिरोले सातै प्रदेशमा धेरै क्षति भइसकेको उल्लेख गर्दै उनिहरुले अझै यसमा सरकारले तत्काल ध्यान दिन माग गरे ।
सांसद इन्दिरादेवी गौतमले सोमबारको कार्यक्रममा प्रधानमन्त्रीले ‘मलाई प्रधानमन्त्री बनाउन उनि धेरैपटक दिल्ली गएका छन्’ भनेको विषय सार्वभौम मुलुकका लागि ठीक नभएको उल्लेख गर्दै प्रधानमन्त्रीले बैठकमा आएर जवाफ दिनुपर्ने माग गरीन् ।
