काठमाडौं । सुन तस्करी प्रकरणमा संलग्न रहेको आशंका चिनियाँ नागरिक पक्राउ परेका छन् । नेपाल छोडेर जाने तयारीमा रहेका बेला बिहीबार त्रिभुवन अन्तर्राष्ट्रिय विमानबाट चिनियाँ नागरिक लिङ चुवान पक्राउ परेका हुन् ।
विभागले उनी सुनका मालिक भएको दाबी गरेको छ । यस्तै यही प्रकरणमा चितवनका अशोक लामा पनि पक्राउ परेका छन् । यसअघि यो प्रकरणमा एक जना भारतीय नागरिकसहित पाँच जना पक्राउ परेका थिए ।
राजकुमार भुजेल, दीलिप भुजेल, हर्क राई, राजेन्द्र राई र भारतीय नागरिक थोप्तेन छिरिङ पक्राउ परेका थिए । हङकङबाट प्यासेफिक क्याथे एयरको विमानबाट कार्गो गरी नेपालको रेड ट्रेड कम्पनीको नाममा सामान ल्याइएको थियो । सो सामानमा सुन लुकाएर ल्याएको पाइएको थियो ।
