काठमाडौँ । नेपाल एसिसी इमर्जिङ कपको सेमिफाइनल दौडबाट बाहिरिएको छ ।
समुह बि अन्तर्गत आज भारत ए सँग ९ विकेटले पराजित भएसँगै नेपालको सेमिफाइनलको सम्भावना समाप्त भएको हो । यो नेपालको दोस्रो हार हो । यसअघि नेपाल पाकिस्तानको ए टिमसँग पराजित भएको थियो ।
नेपालले दिएको १६८ रनको लक्ष्यलाई भारत ए ले २२.१ ओभरमा एक विकेट गुमाएर पुरा गरेको थियो ।
यसअघि नेपालले टस जितेर पहिला ब्याटिंग गर्दै ३९.२ ओभरमा अल आउट हुदै १६७ रन बनाएको थियो ।
योजितसँगै भारत ए र पाकिस्तान ए ले २-२ जित हासिल गर्दै सेमिफाइनलमा स्थान सुरक्षित गरेका छन् । त्यस्तै समुह बि मा रहेको नेपाल र युएई ए टिम सेमिफाइनलको दौडबाट बाहिरिएका छन् ।
अब नेपालले आफ्नो अन्तिम खेल युएई ए विरुद्ध बुधबार खेल्ने छ भने समुह विजेताको निर्णय भने बुधबार नै हुने भारत ए र पाकिस्तान ए बीचको खेल पछि लाग्ने छ ।
