न्युर्योक । अमेरिकाका पूर्वराष्ट्रपति बाराक ओबामाको निवास नजिक बिष्फोटक पदार्थसहित एक जनालाई पक्राउ गरिएको छ । सियाटलका ३७ वर्षीय टेलर टारान्टो भनेर चिनिने एक व्यक्तिलाई पक्राउ गरिएको हो ।
कानून प्रवर्तन अधिकारीहरूले बिहीबार बाराक ओबामाको वाशिंगटन, डीसी घर नजिकै पक्राउ गरेकाे हालै सार्वजनिक भएको हो ।
सीबीएस न्यूजले रिपोर्ट गरेको छ, गोप्य सेवा एजेन्टहरूले टारान्टोलाई ओबामाको घर नजिकै देखे र उनलाई पछ्याउन थाले। टारान्टोले ओबामाको निवासतर्फ भाग्ने प्रयास गरे तर त्यहाँ पुग्नु अघि नै उनलाई पक्राउ गरियो ।
गिरफ्तारीको क्रममा, अधिकारीहरूले टारान्टोको भ्यान नजिकै पार्क गरिएको भेट्टाए, जसमा धेरै हतियार र सामग्रीहरू थिए । जुन मोलोटोभ ककटेल जस्तै विस्फोटक उपकरण बनाउन प्रयोग गर्न सकिन्छ। यद्यपि, सीबीएस न्यूजले रिपोर्ट गरे अनुसार ती यन्त्र एसेम्बल गरिएको थिएन ।
टारान्टोले भर्खरै लाइभस्ट्रिमको क्रममा सामाजिक सञ्जालमा एक व्यक्ति विरुद्ध धम्की दिए, जसले अमेरिकी अधिकारीहरूमा चिन्ता बढाएको थियो ।
खासमा उनीसँग जनवरी ८, २०२१ मा अमेरिकी क्यापिटलमा भएको आक्रमणमा संलग्नताको लागि वारेन्ट आउट छ।
अधिकारीहरूले ओबामाको छिमेकीले टारान्टोको उपस्थिति संयोगवश नभएको बताए। उनी केही महिनादेखि डिसी एरियामा बस्दै आएका थिए । उनी प्रायः डीसी जेल नजिकै आफ्नो भ्यानमा क्याम्पिङ गरेको देखियो।
महानगरीय प्रहरी विभागका अनुसार टारेन्टो मुद्दामा हाल फरार रहेका व्यक्ति हुन् ।
