काठमाडौं । सरकारले डा वैकुण्ठ अर्याललाई मुख्यसचिव नियुक्त गरेको छ । आज बिहीबार बिहान बसेको मन्त्रिपरिषदको आकस्मिक बैठकले अर्याललाई मुख्यसचिव नियुक्त गरेको हो ।
अर्याललाई मुख्यसचिव नियुक्त गरिएको प्रधानमन्त्रीको सचिवालयले जानकारी दिएको छ । यसअघि शंकरदास बैरागी मुख्य सचिव थिए । उनलाई नयाँ जिम्मेवारी प्रदान गरिएको छ । बैरागीलाई राष्ट्रिय सुरक्षा परिषद्को सल्लाहकार पदमा नियुक्त गरिएको परराष्ट्र मन्त्री एनपी साउदले जानकारी दिए ।
