काठमाडौं । प्रहरीले त्रिभुवन त्रिभुवन विमानस्थल क्षेत्रबाट गोली हानी लागु औषध कारोबारीलाई पक्राउ गरेको छ । लागू औषध नियन्त्रण ब्यूरोबाट खटिएको टोलीले लागुऔषध कारोबारीलाई पक्राउ गर्न गोली चलाएको हो ।
लागू औषध ब्यूरोका एसएसपी गोविन्द थपलियाका अनुसार नियन्त्रणमा लिने क्रममा कारोबारीमध्येका एकले प्रहरीलाई आक्रमण गर्न खोजेपछि उनलाई घुँडामुनि गोली हानी नियन्त्रणमा लिइएको हो । खैरो हेरोइन कारोबारमा समूह नै रहेको सूचना पाएपछि प्रहरी ग्राहक बनेर उनीहरु समक्ष पुगेको थियो । घटनाबारे थप विवरण आउन बाँकी छ ।
