विराटनगर । मोरङको लेटाङमा जीप दुर्घटना हुँदा दुई जनाको मृत्यु भएको छ।
प्रदेश १–०२–००१ ज ३९५३ नम्बरको जीप लेटाङ नगरपालिका–७ भिरिङखाको भीरबाट खस्दा चालकसहित २ जनाको मृत्यु हो ।
बुधबार साँझ भएको दुर्घटनामा गम्भीर घाइते लेटाङकै ५५ वर्षीय रुद्र लम्सालको विपी कोइराला स्वास्थ्य विज्ञान प्रतिष्ठान धरानमा उपचार भइरहेको छ।
दुर्घटनामा चालक मोरङको पथरीशनिश्चरेका ३० वर्षीय मनोज दियाली विक र जीपमा सवार लेटाङ– ३ का ७४ वर्षीय जीवन श्रेष्ठको मृत्यु भएको मोरङ प्रहरीले जनाएको छ।
