काठमाडौं । प्रतिनिधिसभा बैठकमा सांसदहरुले भड्किलो पोषक लाउन नपाउने भएका छन् । जसअनुसार अबदेखि प्रतिनिधिसभा बैठकमा सांसदहरुले टिसर्ट र जिन्स जस्ता भड्किलो लगाउन पाउने छैनन् ।
सभामुख, उपसभामुख, कानुनमन्त्रीसहित दलका प्रमुख सचेतक र मनोनीत सांसद रहने समितिको आइतबार बसेको बैठकले सांसदहरूले भड्किलो पोसाक लगाएर जाँदा संसद्को मर्यादा कायम नहुने ठहर गर्दै प्रतिनिधिसभा बैठकमा सांसदहरूले मर्यादित पोशाक लगाउनुपर्ने निर्णय गरेको हो ।
नेपाली कांग्रेसका सांसद रामहरि खतिवडाका अनुसार सांसदहरू बैठकमा जाँदा अनिवार्य संसद्को लोगो लगाउनुपर्ने र भड्किलो ड्रेस लगाउन नपाइने बैठकले निर्णय भएको हो ।
