काठमाडौं । काठमाडौं महानगरपालिकाका मेयर बालेन साहले कुनै पनि कर्मचारीले घुस मागेमा प्रमाणसहित आफूकहाँ आउन आह्वान गरेका छन् ।
सोमबार साँझ सामाजिक संजामार्फत मेयर साहले महानगरपालिकाका कर्मचारीले कुनै पनि प्रकारमा पैसा मागेमा प्रमाणसहित आफूलाई सम्पर्क गर्न आह्वान गरेका हुन् ।
उनले भनेका छन्, ‘हामी भ्रष्टाचार भएको हेर्न सक्दैनौ, हाम्रो अधिकार क्षेत्र काठमाडौं महानगरपालिका कार्यालयमा कुनै पनि कर्मचारीले कुनै पनि प्रकारमा पैसा मागेमा प्रमाणसहित हामीलाई सम्पर्क गर्नु होला भिडियो अडियो सहित । कसैले बिना प्रमाण यसले यति भ्रस्टाचार गर्यो भनेर आरोप लगाउनु भन्दा पनि प्रमाण जुटाउनु होला ।’
मेयर साहले उजुरीका लागि फोन नम्बर पनि सार्वजनिक गरेका छन् । उनले भनेका छन्,‘उजुरीकर्ताले ह्वाट्सएपमार्फत ९८६३५९२०११ नम्बरमा प्रमाणसहित सम्पर्क गर्न सक्नु हुनेछ । यो मोबाइल मैले मात्र बोक्ने भएको हुनाले पठाउने को नाम गोप्य राखिनेछ ।’
