काठमाडौं । नेकपा माओवादी केन्द्रले नक्कली शरणार्थी प्रकरणलाई विषयान्तर नगर्न चेतावनी दिएको छ । सोमबारको प्रतिनिधिसभा बैठकमा नेकपा माओवादी केन्द्रका सांसद माधव सापकोटाले नक्कली भुटानी शरणार्थीको विषयलाई विषयान्तर नगर्न चेतावनी दिएका हुन् ।
उनले अन्तर्राष्ट्रिय जगतले चासो दिइरहेकाले सम्पूर्ण रूपमा देश केन्द्रित भएर यो विषयलाई निष्कर्षमा पुर्याउनुपर्ने बताए । उनले अहिले चलिरहेको मानव तस्करसहितको विषयलाई निष्कर्षमा पुर्याएर थप फाइल खोल्ने दिशामा सरकार जानुपर्ने बताए ।
उनले भने, ‘अहिले चलिरहेको मानव तस्करसहितको विषयलाई निष्कर्षमा पुर्याएर थप फायरहरू खोल्ने दिशामा सरकार जाओस् । किनकी नक्कली शरणार्थी प्रकरणकाबारेमा सिंगो देश र अन्तर्राष्ट्रिय जगत बहसमा छ।’
