जापानमा हरितगृह ग्यास उत्सर्जन आठ वर्षयता पहिलो पटक बढेको सरकारी तथ्याङ्कले देखाएको छ ।जापानको वातावरण मन्त्रालयले अप्रिलमा सार्वजनिक गरेको अन्तिम तथ्याङ्कअनुसार मार्च २०२२ मा समाप्त भएको आर्थिक वर्षमा राष्ट्रिय उत्सर्जन १ दशमलव १७ अर्ब टन कार्बन डाइअक्साइड बराबर थियो, जुन अघिल्लो वर्षको तुलनामा २ दशमलव ३ करोड टन वा २ प्रतिशतले बढी हो ।
आर्थिक वर्ष २०२० मा यो आँकडा लगातार सातौं वर्ष निकै तल झरेको थियो । कोभिड–१९ को महामारीका बेला पनि आर्थिक गतिविधिमा सुधार भइरहेकाले औद्योगिक तथा यातायात क्षेत्रमा ऊर्जा खपतमा आएको वृद्धिका कारण यस्तो वृद्धि भएको मन्त्रालयले जनाएको छ । वनले अवशोषित गर्ने ग्याँसहरू कुल उत्सर्जनबाट घटाइन्छ ।
यो आँकडा १ दशमलव १२ अर्ब टनमा पुगेको र आर्थिक वर्ष २०२० को तुलनामा २ प्रतिशतले बढेको मन्त्रालयले जनाएको छ । यो अझै पनि वित्तीय वर्ष २०३० सम्ममा ग्याँसलाई ४६ प्रतिशतले घटाउने आफ्नो लक्ष्यबाट टाढा छ ।
