काठमाडौं । एफसी खुमलटारलाई हराउदै सहिद स्मारक ए डिभिजन लिग फुटबलमा नेपाल पुलिस क्लबले जित निकालेको छ ।
त्रिपुरेश्वरस्थित दशरथ रंगशालामा बिहीबार पुलिसले एफसी खुमलटारलाई ३-१ गोल अन्तरले हराएको हो ।
पुलिसको जितमा अहमद हिजाजीले दुई गोल गरे । मोसेज ट्वुमले एक गोल थपे । खुमलटारका मुसेके ओलुमोउले एक गोल फर्काए ।
खेलको २७ औं मिनेटमा हिजाजीले गोल गर्दै पुलिसलाई सुरुआती अग्रता दिलाएका थिए । ५४ औं मिनेटमा मेसुकेले गोल गर्दै खुमलटारलाई १-१ गोलको बराबरीमा ल्याए ।
खेलको ८३ औं मिनेटमा मोसेजले गोल गर्दै पुलिसलाई २-१ को अग्रता दिलाए । त्यसपछि खेलको इन्जुरी समयमा हिजाजीले व्यक्तिगत दोस्रो गोल गर्दै पुलिसलाई ३-१ को जित दिलाए ।
पुलिसको यो तेस्रो जित हो । पुलिस १३ खेलमा १२ अंक जोडेर पुछारमा रहेको छ । खुमलटारको यो आठौं हार हो । खुमलटार १३ खेलमा १३ अंक जोडेर १२ औं स्थानमा रहेको छ ।
