लुम्बिनी । लुम्बिनी प्रदेशको मुख्यमन्त्रीमा डिल्लीबहादुर चौधरी नियुक्त भएका छन् । बिहीबार प्रदेश प्रमुख अमिक शेरचनले चौधरीलाई मुख्यमन्त्री नियुक्त गरेका हुन् । प्रदेश प्रमुख शेरचनले चौधरीलाई नेपालको संविधानको धारा १६८ को उपधारा २ बमोजिम मुख्यमन्त्रीमा नियुक्त गरेका हुन् ।
शेरचनले आज अपरान्ह ४ बजेसम्म समयसीमा दिएर बहुमतका आधारमा सरकार गठनका लागि आह्वान गरेका थिए । सोहीअनुसार चौधरीले ५३ जना प्रदेशसभा सदस्यको समर्थन लिएर मुख्यमन्त्रीमा दाबी गरेका थिए । चौधरीलाई कांग्रेससहित गठबन्धनका दलहरू माओवादी केन्द्र, नेकपा एकीकृत समाजवादीलगायत दलहरूको समर्थन छ ।
