काठमाडौं । चन्द्रागिरि हिल्स लिमिटेडद्वारा सञ्चालित चन्द्रागिरि केवलकार प्राविधिक परीक्षणपछि पुनः सञ्चालनमा आएको छ ।
शुक्रबार अपरान्ह ३ बजेदेखि अकस्मात आएको ठूलो हावा हुरीका कारण केवलकार सञ्चालनमा समस्या आएपछि सेवा बन्द गरिएको थियो ।
प्राविधिक परीक्षणको काम सकिएपछि आइतबार दिउसोदेखि केवलकार पुनः सञ्चालनमा आएको छ । प्राविधिक परीक्षणका क्रममा केवलकार सेवा बन्द हुँदा यात्रुहरुमा पर्न गएको असुविधा प्रति सञ्चालक कमम्पनिले माफी मागेका छन् ।
