अमेरिकी राष्ट्रपति जो बाइडेनले राष्ट्रपति निर्वाचनमा पुनः उम्मेदवारी दिने घोषणा गरेका छन् । मंगलबार राष्ट्रपति बाइडेनले आधिकारिक रूपमा उम्मेदवारी घोषणा गरेका हुन् ।
उनले उपराष्ट्रपति कमला ह्यारिससहित पुनः एकपटक अमेरिकी राष्ट्रपतिका लागि उम्मेदवारी दिने र मतदाताहरूले आफूहरूलाई जिताउनेमा आफू विश्वस्त रहेको बताए ।
उनले केही मतदातासँग परामर्श गरी आफूले पुनः राष्ट्रपतिमा दोहोरिने निर्णय गरेको बताएका छन् । अमेरिकी पूर्वराष्ट्रपति डोनाल्ड ट्रम्पले पाँच महिनाअघि नै एक वर्षपछि हुने राष्ट्रपति निर्वाचनमा उम्मेदवारी दिने घोषणा गरिसकेका छन्।
