चितवन । चितवन २ मा राष्ट्रिय स्वतन्त्र पार्टीबाट उम्मेदवार रवि लामिछानेले अघिल्लो पटक भन्दा राम्रो नतिजाको अपेक्षा राखेको बताएका छन् ।
चितवनका विभिन्न मतदानस्थलहरुको अवलोकन गर्ने क्रममा सञ्चारकर्मीसँग कुरा गर्दै लामिछानेले मतदातामा आशा र उत्साह देखिएको भन्दै आफूमा पनि उत्साह बढेको बताएका हुन् ।
उनले भने, ‘मतदानको संघारमा रास्वपाका उम्मेदवार माथि भ्रामक सूचना सम्प्रेषण गरेर ठूला दलहरुले लोकतन्त्र माथि हिलो छ्याप्ने काम भएको छ । यसको रास्वपा घोर भ्रर्सना गर्दछ । मतदानबाट चुनिएर विजयी हुने लोकतन्त्रको सुन्दर पक्ष हो । यसलाई स्विकार्न किन गाह्रो भइरहेको छ । थाहा छैन् ।’
