काठमाडौं । राजधानीमा जारी शहीद स्मारक ए डिभिजन लिग फुटबलमा फ्रेन्ड्स क्लब फराकिलो अन्तरले विजयी भएको छ ।
एन्फा मैदानमा सोमबार भएको खेलमा फ्रेन्ड्सले हिमालयन शेर्पा क्लबको पोष्टमा ६ गोल गरेको छ । फ्रेन्ड्सलाई जिताउनका राफिक अमिनुले २ गोल गर्दा अमित तामाङ, उत्तम राई, टोरिक जेब्रिन र अखरबेक उक्तामोभले एक एक गोल थपेका थिए ।
जारी सिजनमा फ्रेन्ड्सको यो दोस्रो जित हो भने शेर्पाको चौथो हार हो । फ्रेन्ड्स ८ अंकसहित तालिकाको १२ औं स्थानमा उक्लिएको छ भने शेर्पा ९ अंकका साथ ११ औं स्थानमा छ । यससँगै शहीद स्मारक ए डिभिजन लिगमा नवौं चरणका खेल पनि सकिएका छन् ।
