काठमाडौँ । राष्ट्रपति रामचन्द्र पौडेलको छातीको तल्लो भागमा सङ्क्रमण देखिएको छ ।
फलोअप परीक्षणका लागि त्रिवि शिक्षण अस्पताल महाराजगञ्जमा पुगेका उनको छातीको तल्लो भागमा सङ्क्रमण देखिएको हो ।
पौडेलको अल्ट्रासाउण्डको सहायताले पानी निकाली परीक्षण गर्न लागिएको उनका पौडेलका निजी चिकित्सक डा. निरज बमले जानकारी दिए । पौडेलको बायाँ छातीको तल्लो भागमा थोरै पानी देखिएको छ ।
१८ चैतमा पेटमा समस्या देखिएपछि राष्ट्रपति पौडेल त्रिवि शिक्षण अस्पतालमा भर्ना भएका थिए ।
