काठमाडौँ । नेकपा (एमाले)को बैठक आज बस्ने भएको छ । एमालेले आज (शनिबार) बिहान ९ बजेका लागि सचिवालय बैठक डाकेको हो।
ललितपुरको च्यासलस्थित पार्टीको केन्द्रीय मुख्यालयमा बस्ने बैठकमा उपराष्ट्रपतिको उम्मेदवार तय गरिने उपमहासचिव एवम् प्रवक्ता पृथ्वी सुब्बा गुरुङले जानकारी दिए ।
उक्त बैठकमा उपराष्ट्रपतिको उम्मेदवारीसँगै बिहीबार भएको राष्ट्रपति निर्वाचनबारे पनि समीक्षा गर्ने बताइएको छ ।
उपराष्ट्रपतिका लागि निर्वाचन आयोगले शनिबार उम्मेदवारी दर्ताको कार्यतालिका तोकेको छ।
