काठमाडौँ । नेकपा एमालेका अध्यक्ष केपी शर्मा ओली र नेपालका लागि चिनियाँ राजदूत चेन सोङबीच भेटवार्ता भएको छ ।
एमाले अध्यक्ष ओलीलाई भेट्न राजदूत सोङ शुक्रबार साँझ ओली निवास बालकोट पुगेका थिए । दिउँसो प्रधानमन्त्री र अध्यक्ष ओलीबीचको भेटवार्तापछि चिनियाँ राजदूत ओलीलाई भेट्न बालकोट पुगेका हुन् ।
नेपालमा नयाँ राष्ट्रपति निर्वाचन नजिकिँदै गर्दा विभिन्न देशबाट उच्च राजनीतिक तहको भ्रमण बाक्लिएको छ भने विदेशी राजदूतले प्रधानमन्त्रीसहित दलका शीर्ष नेताहरुसँगको भेटलाई पनि बढाएका छन् ।
